Samhljómur á facebook er opinn hópur sem heldur utan um Samhljómsvini og friðarhugleiðslurnar okkar. Facebook vettvangurinn er því eins konar rafrænt hugleiðslumusteri fyrir okkur þar sem við myndum innri tengingar við hvert annað og byrjum að byggja upp fallega orku fyrir hverja hugleiðslu.  

Þremur dögum fyrir fullt tungl er viðburður settur upp fyrir Samhljómshugleiðslu þess mánuðar. Reglur um hópa á facebook gera það að verkum að meðlimir fá ekki allir sjálfkrafa boð um nýjan viðburð, og því er um að gera að vera vakandi fyrir því hvenær tunglið er fullt og taka þátt með orkunni sinni hvar sem maður er staddur á Íslandi eða annars staðar í heiminum. Til einföldunar hugleiðum við alltaf innan þeirrar dagsetningar þegar tunglið verður fullt á Íslandi.